Historie

Då ein ønska å starta opp eit idrettslag på Nore Neset i 1980, søkte ein i følgje stiftelsesprotokollen om å starte opp Sportsklubben Teddy. Men då dette namnet ikkje er stadsbunden, fekk dei avslag, og dei nytta andrevalet,

Nore Neset Idrettslag i staden. Klubben vart stifta 5. november 1980, og i den samanhengen uttalte styremedlem Kåre Hjelle at
“Det er ein historisk dag for Nore-Nesingane!”.

NNIL vart godkjent av Noregs idrettsforbund 2. desember same år.

Interimstyret etter stiftelsen.

Formann:
Knut Bohne

Styremedlemmer:
S.Haldorsen
G. Askvik
J.Rekkum
O. Kvalheim
M. Skåtøy
E.M.Hagevik
K.Hjelle
B.Hagen
K. Skeie

Ved utgongen av 1981 var det 112 medlemmer i NNIL, fordelt slik:

Seniorlaget for herrer deltok og i Bergen og Omeng Fotballkrets sin vinterfotballturnering på Lysekloster dette året.

Baneforholda på Nore Neset den gongen var ikkje slik som i dag, og det var kun miniputt- og lilleputt-laga som kunne trene og spele kampane sine på heimebane. Idrettslaget leigde difor kunstgrasbanen i Lysefjorden og idrettsplassen i Søre Øyane til både treningar og kampar.

Styret oppretta ein eigen banekomité som stod i bresjen for å få til eit høveleg anlegg på Nore Neset, med både veleigna garderobeløysing, flombelysning på banen og utviding av den eksisterande banen (mot nord). Og i byrjinga av juli fekk dei kjøpt ut tomtene dei trong til dette frå de ulike grunneigarane.

Det driftige styret hadde oppretta ei eigen økonominemnd som gjennomførte ulike arrangement ila året, som gjorde godt for både det sosiale og det økonomiske i idrettslaget. Dei hadde Sankt Hans tilstelning på Storholmen, med fiskekonkurranse, kapproing med joller, sal av rømmegraut, pølser, buljong, brus og is- og sjølvsagt hadde dei eit stort bål. På seinsommaren hadde dei óg eit lotteri der ein av hovudpremiane var ein 12” Askeladd med påhengsmotor! Båten var det Askvik Sønner A/S som stilte med, i byte mot reklame på draktene på Norway cup.

Banekomitéen i styret har gjort eit formidabelt arbeid med å få til ei utviding av NNIL sitt idrettsanlegg; kjøpt tomt av grunneigarane som no er blitt til gardsnr 34, bruksnr 375, søkt om lån og tippemidlar, sett opp ein finansieringsplan, og gjort avtalar med lokale bedrifter for gjennomføring. Dei rekna med å kunne starta arbeidet med planering vinteren og våren 86/87.

NNIL hadde også dette året mykje på agendaen: dei arrangerte skidag på skulen i slutten januar, terrengløp litt seinare på året, samt Nore Neset-dagane i lag med sanitetsforeningen og skulekorpset. Medlemstalet låg på ca 220 medlemmer. Vidare vart det underteikna ein kontrakt mellom Nore Neset Idrettslag som byggherre, og Bøe&Lepsøy Byggmester- og Entreprenørforretning A/S om Arbeid med ny idrettsbane på Nore Neset (utviding av eksisterande bane).

I 1988 blei det oppretta eit støttelag som bestod av foreldre og andre støttespelarar. Støttelaget - leia av Mona Solstrand Johannessen, bestod av heile 100 personar som hjalp til ved samtlege arrangement dette året. Dei var til uvurderleg hjelp for klubben!

Handball og fotball er dei to største idrettane i idrettslaget, og NNIL hadde 7 handballag og 9 fotballag i seriespel i 1988.

Handballgruppa i 1988 var stor, og romma ca 100 medlemmer. Desse fordelte seg i følgjande alderstrinn: minigruppen, gutter 10 år, piker 10 år, piker 12 år eldste klasse, piker 12 år yngste klasse, piker 14 år eldste klasse og piker 14 år yngste klasse. Piker 10 år (28 spelarar fordelt på to lag) hadde ein kjempesesong i 87/88! Dei var suverene i serien, og vann dessutan minicup’en i Bildøyhallen 30.-31.januar, der dei tok den første pokalen til NNIL! Trenar: Herman Hagevik.

Når ein ser på kor mange ulike alderstrinn fotballaga rommer, skjønar ein at fotball også den gongen var populært: senior, junior, piker, smågutter, lilleputter, miniputter, milliputter og microputter!

På fotballsida gjorde seniorlaget ein middels god sesong med ein plassering midt på tabellen (men framleis det beste laget frå Os!), noko trenaren, Arne Hitland, forklarar slik: Spesielt har vi problemer på grus. Dette er et problem vi må jobbe hardt med neste år, all den tid vi da skal spille på egen grusbane.

Senior- og juniorlaget hadde ei vekes treningsleir/ferie i Danmark i slutten av juli, noko som var svært vellukka både sportsleg og sosialt.

Etter å ha vore i drift i ti år, har Nore Neset Idrettslag nesten 300 medlemmar, der om lag 80% av desse er born og unge under 17 år. NNIL hadde 10 fotball-lag med i kretsserien, 11 håndball-lag med i kretsserien og eitt damelag med i volleyballserien dette året. Fotball-laga trente på den nye banen, medan handball- og volleyballtreningane var i Oshallen og i gymsalen på skulen. NNIL hadde følgjande arrangement i 1990:

• Idrettsdag (3-kamp) på skulen
• Minihandball i Oshallen
• Eigen miniturnering på fotballbanen
• Sparebanken Vest-Cup for senior

Hovudsponsorar for NNIL i 1990 var: Den Norske Bank og Rosvold Sport Frivilligheita og dugnadsinnsatsen var framleis stor: Til dømes gjorde A-laget jobbar for Os E-verk og Racal-Decca på Laksevåg, ein kunne kjøpe støttemedlemsskap for 100 kroner, det lokale næringslivet støtta med reklame både på banen og i pressa (arenareklamen langs nordsida var nesten utsolgt!), og støttelaget fortsatte sitt gode arbeid.

Seniorane trente tre gonger i veka, frammøtet på treningane var prima, dei henta inn nye spelarar og ein hjelpetrenar, Kjell Ove Lunde, i forkant av sesongen for å styrkje laget og heve nivået på treningane. - Eit kupp! sa Arne Hitland om den nye hjelpetrenaren. Laget vart kretsmeister i 6.divisjon og rykka dermed opp til 5.divisjon.

Vidar Bahus var keepertrener for Vidar Hjelle og Fredrik Brinchmann Hansen, og i følgje Hitland hadde seniorlaget “en eneste stor jubelsesong". Vidare fortel han: - At Nore Neset har gjort det godt kan vi gjenspeile med interessen i bygden og i lokalpressen. I de siste kampene ble det skrevet like mye om Nore Neset som om Os i 2.divisjon.

A- og B-laget trente saman og utgjorde ein brei spelarstall, der fleire av B lagsspelarane fekk speletid på A-laget.

Damene spelte i 6.divisjon, og kom på 5.plass forrige sesong. Det var 10-12 jenter på laget, og dei hadde to treningar i veka (ein i Oshallen ein på Nore Neset), trenaren for sesongen 1989/90 var Jørn Aasberg, og ny trenar for 1990/91 var Vibeke Leikvoll Moberg.

Leiar i NNIL, Bjørn Fosen, leiar arbeidet med å erstatta grusbanen med kunstgras. Dette var fyrste gang det vart lagt kunstgras på Nore Neset Idrettsplass.

Faksimile: Os & Fusaposten

Leiar i fotballgruppa, Jan Erik Døsen og resten av dugnadsgjengen på Nore Neset førebur seg på ei påske med dekkelegging på nyebanen.