Etiske retningslinjer

Etiske retningslinjer for Nore Neset Idrettslag

Trygg, inkluderande og ærleg idrett for alle

1. Våre verdiar

Kjerneverdiane til Nore Neset idrettslag er Venskap-Meistring-Respekt. Vi har eit sterkt fokus på inkludering. Løftet vårt er at vi skal skapa eit idrettslag med plass til alle.

Vi byggjer på Norges idrettsforbund sine verdiar: Glede – Fellesskap – Helse – Ærlighet

Hjå oss skal alle:
– Oppleve glede ved å delta
– Kjenne fellesskap og tryggleik
– Få høve til utvikling og meistring
– Møte ærlegdom og respekt i alt vi gjer

2. Trygg på trening

Vi følgjer Redd Barnas prinsipp for trygg idrett:

Trenarar og leiarar:
– Har gyldig politiattest og kjenner klubbens retningslinjer
– Viser respekt for barns grenser – både fysiske og psykiske
– Lyttar, rosar og rettleier – ikkje kjeftar, kritiserer eller latterleggjer
– Er bevisst på maktposisjon og opptrer profesjonelt
– Er aldri åleine med barn utan særskild grunn og samtykke
– Kommuniserer tydeleg og trygt, også digitalt

Barn og ungdom:
– Skal føle seg trygge og respekterte
– Skal bli sett, høyrt og tekne på alvor
– Kan seie frå om noko følest galt – og vite at vaksne tek det på alvor

Føresette:
– Støttar barna positivt, også når det ikkje går som dei ønskjer
– Viser respekt for trenarar, dommarar og andre føresette
– Bidreg til eit trygt og inkluderande miljø for alle

3. Fair play og god åtferd

– Spele etter reglane og vise respekt for dommarar og motspelarar
– Heie på kvarandre, uansett resultat
– Aksepter dommaravgjerder utan kjefting eller protestar
– Bruk ikkje banning, mobbing eller trakassering
– Ta vare på lagkameratar – ingen skal stå utanfor
– Ta avstand frå juks, vald, doping og rusmiddel

4. Alkohol, rus og doping

– Ingen alkohol eller rusmiddel i barne- og ungdomsaktivitetar
– Nulltoleranse for doping – følgjer Antidoping Norge sine reglar
– Vaksne skal opptre ansvarleg på arrangement

5. Miljø og samfunn

– Ta vare på miljøet – rydd opp og bruk ressursar fornuftig
– Bidra positivt i lokalsamfunnet
– Ta ansvar for kvarandre og vis gode haldningar også utanfor idretten

6. Sei frå – vi bryr oss!

– Sei frå til trenar, lagleiar eller varslingsansvarlege
– Alle saker blir handsama konfidensielt og med respekt
– Vi tek alltid omsyn til bekymringar – store som små

7. Ansvar

– Styret og sportsleg utval: Følger opp retningslinjene
– Trenarar og leiarar: Følger etiske retningslinjer og sportsplan, og er gode rollemodellar
– Foresette: støttar opp om klubbens verdiar
– Utøvarar: viser respekt og ansvar